ASNUBEG
Ɣret afakul n temlilit d-yeḍran di Biskra ussan n 1 d 2 duǧambir 2010 [Afaylu PDF, 615 ko]
Timlilit tagraɣlant n "Ismawen n yimdanen, n tnezduɣt, n wakal d waman"
I tikkelt nniḍen, Asqamu unnig n timmuzɣa isuddes, s tallat n CRASC n Wihṛan, timlilit n 3 wussan, ussan n 21, 22 et 23, i d-yewwin ɣef yismawen n yimdanen, n tnezduɣt, n wakal d waman". Aṭas n yimussnawen iɣelnawen d wiyaḍ d-yusan si tmura tibeṛṛaniyin i useqerdec n yiwen usentel ara d-yesbeggnen tuzert n tilawt tamaziɣt di Tferka n ugafa. Ɣret aḍris ummid d wahil s tefṛansist.
Tzemrem ad twalim tadiwennit n Mass Yusef Merahi, Amaray amatu n Usqamu unnig n timmuzɣa, d-yeffɣen deg weɣmis Dépêche de Kabylie.
Taẓrigt tamaynut : "Timsirin n tudert" sɣur Remḍan Ɛebdenbi
Zgan yimenza-nneɣ qqaren-aɣ-d : ddunit d lakul. Nettaf imeslayen-agi deg yinzan, deg yisefra akked tezlatin : Ur sḥissif ara / Ɣas yemɣembas wul / Tagi d leqraya / Ddunit d lakul. Di lakul-agi n ddunit llant temsirin yall ass, i yall amdan, di yall taswiɛt. Timsirin n tudert ggten ɣef medden merra, maca yall yiwen amek i tent-ilemmed, yall yiwen d acu n wazal i sent-yettak. Llan widen i iceffun fell-asent, llan daɣen widen i tent-itettun. Widen iceffun teddun dima ɣer zdat, ẓran sani i la leḥḥun, tikli-nsen tesɛa iswi. Ma d widen itettun zgan tezzin tennḍen, zgan di lqaɛ n tesraft ideg ɣlin yakan geddac n tikkal war ma rran lwelha-nsen s aya. Aḍris ummidTimlilit di Xencla "Tigensas, tineffusin akk d tmuɣliwin nniḍen ɣef Yimaziɣen"
Asqamu unnig yessuddes di Xencla, deg wul n tmurt n Yicawiyen, yiwet n temlilit deg wussan n 9 d 10 deg waggur n uwambir, ara yefsin tikerrist yerzan tamuqli taberranit iss i tt-id-ttwalin yigduden nniḍen neɣ ula d aggayen nniḍen i izedɣen tamurt n yimaziɣen yellan, di tidett, d azar n Tmazɣa.
S lmendad n wid isuddsen timlilit-agi, ladɣ mass Belhiret : "ussan-a, d wid yessawḍen lebɣi-nneɣ"
Amaṭṭaf n ṛṛadyu n Xencla tessawel-ed i Mass Yusef Merahi i wakken a d-yefk tamuɣli-s srid i yimsefliden-is ɣer yidis n yiwet n tmussnawt tatunsit, Bhouri Rafika, d taselmadt di tesdawit n Suss, d-yusan ad tettikki di temlilit. Slet-asen :
Timlilit i usnefli n tsuqqilt seg d ɣer tutlayt tamaziɣt
Teḍṛa-d temlilit tis snat d-yewwin awal ɣef tsuqqilt seg tmaziɣt neɣ ɣer tmaziɣt di temdint n Mestɣanem deg wussan n 11 d 12 tubeṛ n useggas-a ideg i nella. Aṭas n inebgawen i d-yerzan ɣer temlilit-agi wumi cebbḥen tasga. Ulamma tugett si tesdawiyin n Lezzayer, sin usan-d si tmura n lbeṛṛani, nelha-d deg wawal timura n tunes d Marikan.
Di taggara n temlilit, Asqamu unnig n timmuzɣa i iheggan timilit-a yesɛan azal ameqqran, yessumer-ed iwellihen, s lmendad n yimussnawen yellan din, i iwatan ad fken leqdeṛ i taɣult-agi n tsuqqilt iɣef ulint ayen-din n tutlayin yefrurin ass-a. D abrid-a i iwata a d-iṣaḥ i tmaziɣt i yuklalen tudert di lɛezza d lḥeṛma.
Ddaw-a, d tagezzimt n usaru yemuggen i wudem n wussan-a n tsuqqilt.
